Gikataho nga walay natala nga casualties human sa nasinati nga pagbaha ug pagdahili sa yuta sa pipila ka bahin sa Sugbo nunot sa Tropical Depression Wima.
Kini ang gipaambit ni Office of the Civil Defense 7 Regional Director Joel Erestain nga bisan paman nga adunay mga kalit nga pagbaha ug pagtumpag sa mga bato kay nagpabilin gihapon nga zero casualties ang Sugbo.
Sama sa Balamban ug Asturias sa kasadpang Sugbo diin dali usab nga miluwat og pahimangno si Cebu Governor Pamela “Pam” Baricuatro nga nag-awhag sa publiko nga likayan usa ang pag-agi ug pagbiyahe nga apektado sa gibiling kadaot ni TD Wilma.
Diin makita sa video ang kusog nga pagdagayday sa tubig baha sa Barangay Gaas sa Balamban ug Barangay Tubigamanok ug Sta. Lucia sa Asturias, ug ang taho sa pagdahili sa yuta sa Transcentral Highway sa Cansamoroy ug Hingatmonan sa Balamban.
Matud ni Regional Director Erestain, dako og tabang ang nahimong pagpangandam ug awareness sa publiko gumikan nasayod na sila kon unsay angay buhaton ug sa mga posibleng mahitabo sama sa pagsaka sa tubig baha.
Ingon man nga dali usab nakabakwit ang ubang komunidad nga prone sa landslide ug baha nga gikalipay niini tungod kay dili na kinahanglan pugson pa ang katawhan.
