Mipasaka og petisyon sa Senate Blue Ribbon Committee ang Sugbuanong Broadcaster nga si Edward Ligas aron paga-imbestigaran ang mga substandard ug nangahulpa nga mga flood control projects sa Butuanon River.
Kini ang gipamahayag ni Ligas atol sa eksklusibong pakighinabi sa Bombo Radyo Cebu diin gisaysay niini nga dili na angayng piyong-piyongan pa ang sagunson nang mga nangahagba nga mga flood control structures sa suba sa Butuanon nga unta nagtinguha sa pagpanalipod sa mga kinabuhi og kabutangan sa mga residente ilabi na sa dakbayan sa Mandaue.
Sa iyang letter nga gisumiter ngadto nilang Blue Ribbon Committee Chairman Sen. Rodante Marcoleta, Sen. Tito Sotto, Sen. Risa Hontiveros, Sen. Raffy Tulfo, Sen. Erwin Tulfo, Sen. Kiko Pangilinan, Sen. Migz Zubiri, Sen. Ping Lacson, ug bisan ang Mayors for Good Governance covenor nga si Baguio City Mayor Benjamin Magalong kay giawhag niini nga tagaan og mas lawm nga pagtagad ang mga panghitabo diri sa Sugbo kabahin sa padayong imbestigasyon sa mga anomalosong flood control projects.
Gani kung subayon lang, ang bahin sa Butuanon River sa Casuntingan, Paknaan ug sa miaging tuig sa Maguikay kay nangahagba
Diin ipasangil dayon sa dakong bunok sa uwan nga misukwahi sa orihinal nga katuyoan sa maong proyekto.
