CEBU CITY — Gibana-banang mokabat ngadto sa P1.2-million ang danyos sa nahitabong dakong sunog sa 2 ka mga sitio sa Brgy. Mambaling, dakbayan sa Sugbo.
Kini human nga miabot sa 84 ka mga balay ang nangaugdaw ug gatusan na ka mga pamilya gikan sa Sitio Pungtod ug Sitio Huyung-huyong ang apektado human nga miabot ang sunog sa third alarm.
Matud ni Senior Fire Officer 1 Marichel Caburnay sa Cebu City Fire Department nga kasamtangang gipaubos sa imbestigasyon ang maong trahedya diin nagsugod pa kini sa 2-storey nga balay nga gipanag-iya ni Haidee Amora.
Padayon usab nga gikumpirmar sa mga fire investigators kung short circuit ba ang hinungdan niini human nga gituohang misilaab ang electrical wire gikan sa panimalay sa pamilyang Amora.
Gi-evacuate ang mga nasunugan sa gymnasium sa Vikings ug sa Pungtod. Apan giantus sa mga evacuees ang tumang kainit ug kangitngit ilabi na sa gymnasium sa Sitio Pungtod.
Sama lang sa usa sa mga nasunugan nga si Maggie Aguilar diin namaypay kini aron nga mahupay ang ilang nasinating kainit tungod sa kadaghan sa mga mihiklin.
Sigon ni Aguilar nga magpabilin pa gihapon sa nahisgutang gymnasium aron mabantayan ang ilang panimalay nga nahimutang sa duol nga bahin.
Bisan pa man sa ilang kasinati-an, nahatagan sila og hinabang gikan sa Department of Social Welfare and Services (DSWS) sama lang sa mga nadawat nga food packs.
Matud ni Anne Vestil Palomo, ang acting barangay captain sa Mambaling, nga dili pa sila maka-declare og state of calamity gumikan kay suspended pa ang pondo sa barangay ug wala nay quorum ang barangay council sukad nga gisuspensuhan si Kap. Gines Abellana.
Mihangyo si Palomo nga makig-alayon kanila alang sa kinsa ang gustong mohatag og hinabang sa mga nasunugan.
Samtang naningkamot ang konseho sa Brgy. Mambaling nga makakuha og pondo aron nga mahatagan og hinabang ang gatusan ka mga nasunugan.
Matud ni suspended barangay captain Gines Abellana nga suspendido ang pundo sa barangay human nga iyang gitaktak ang barangay treasurer gumikan kay napakyas kini og hatag sa report niadtong Nobyembre ug Disyembre.
Dugang pa ni Abellana nga makuha nila ang pondo sa barangay kung “cleared” na kini gikan sa Commission on Audit (COA).
Ug mipadayag si Abellana nga ang Cebu City Government na mismo ang bahala sa pagpang-apudapud og pinansyal nga hinabang alang sa mga nasunuga
