Cebu City-Nasikop na ang usa sa mga suspect sa pagpatay sa usa ka lola ug gisulod pa sa refrigator sa may Ntl Highway, Brgy. Tabunok, siyudad sa Talisay, probinysa sa Cebu.
Giila ang nasikop nga si Jay R Banilad residente sa lungsod sa Badian probinsya sa Cebu kung diin dinhi ra pud kini nasikop.
Una niini, nagpahigayon og hot pursuit ang Talisay PNP human nga natumbok ang 3 ka persons of interest sa naasoy nga krimen. Samtang, patuloy pa ang pagpangita karon sa duhan pa ka suspect nga giila nga sila Johny Duarme ug Jeffrey Duarme.
Matud ni PSupt. Marlu Conag, ang hepe sa Talisay PNP nga basi sa ilang nakuhang impormasyon nga managsuon ang 3 ka suspect nga gitoohang maoy mipatay sa biktimang si nga si Victoria Po Loa.
Trabahante matud pa kini sa tuguwang kung diin mao kini sila ang tigtimpla sa bino nga maoy negosyo sa tiguwang.
Nasayran nga kanhi kauban nga ngpuyo sa balay sa biktima ang mga suspect apan gipalahi na kini sa dihang gikawatan sa ika 3 na ka higayon ang tiguwang kung diin muabot na matud pa sa milyon ang kantidad sa cash ug mga alahas ang nakuha niini.
Nabantayan usab matud pa ang mga suspect sa balay sa tiguwang nga nagdala pa og pagkain niadtong Nobyembre 1, ang araw nga giingong gipatay ang biktima hangtud nga na missing ug nakaplagan lang kagahapon.
Samtang gihimakak ni Marivic Ado ang ka live in partner sa nasikop nga si Jay R Banilad ang giingong usa sa suspect sa pagpatay sa usa ka lola sa Talisay nga nakaplagan nalang nga nanimaho na sulod sa ref nga ang iyang bana nalambigit sa maong krimen.
Kini tungod kay niadto matud pang Nobyembre 1–ang adlaw nga gipatay ang biktima nga si Victoria Loa naa ra si Banilad sa ilang lugar sa Badian ug namasada og motor sanglit dugay na kini nga wala nagtrabaho sa balay sa tiguwang.
Nanawagan si Marivic sa igsoon ni Jay R nga si Johny kinsang usa sa mga person of interest nga musurrender ug bayran ang krimen. Gibarugan niini nga naamong lang niini ang iyang bana.
Gihulagway usab ni Marivic nga but-an ug maayong tao ang biktima ug iyang gikakugang ang nahitabo niini.
