CEBU CITY -Gikatakda nga pasakahan ug kaso karong adlawa sa Talisay Police Station ang manag-uyab nga sila si Resamarie Cabañog, 20 anyos ug Joshua Garciano, 22 anyos.
Pakasuhan usab ag inahan ni Resamarie nga si Edna Cabañog, Tomas Isugan ug ang duha pa ka lalaki nga wala ilhi, kinsa gituhon nga sakop sa New People’s Army nga miikyas padulong sa Negros Oriental human ang maong krimen.
Matud ni PO1 Aquiles Cabando, ang imbestigador sa Talisay City Police Office nga nakig-alayon na karon ang Talisay City Police Station ngadto sa Negros Police Office para masikop ang maong mga suspek sanglit una naman nga gipagawas sa PNP Maritime Police sa Guihulngan City ang maong upat ka suspek human nga walay warrant of arrest nga giisyu batok sa niini.
Mahinumduman nga nakaplagan ang nasunog nga sakyanan ug lawas ni Oberes sa Sitio Tal-ot, Barangay Valencia, Carcar City human kini giila sa asawa sa biktima.
Una matud pa nga gitabangan ug kulata ingun man pusil si Oberes sa mga suspek sa Talisay City. Samtang, gilimod usab sa manag-uyab ang planong ipapatay si Oberes.
Nagkanayon si Resamarie nga gusto lang nila nga hadlokon si Oberes human kini matud pa maihulga nga ipagawas ang sex video nilang duha kung ugaling iya kining buwagan.
Giingun usab nga adunay relasyon si Oberes ug ang suspek nga si Resamarie.
