TALISAY CITY, CEBU-Pasakaan na og kaso ang suspek sa giingong mipusil-patay sa 14-anyos nga batang babaye nga usa ka Grade 7 student sa Talisay City karong adlawa.
Mao kini ang giingon ni Police Lieutenant Colonel Epraem Paguyod, ang hepe sa Talisay City Police Station.
Matud pa sa opisyal nga gawas sa responsabli sa pagpatay sa bata, adunay duha ka mga indibidwal nga giingong adunay kalambigitan usab sa kamatayon sa biktima.
Ingon man nga ang usa ka suspect padayon pa ang gipahigayon nga hot pursuit operation diin nag-atubang kini sa kasong reckless imprudence resulting to homicide ug illegal possession of firearms.
Ang usa ka suspek napasakaan og kasong obstruction of justice human nga mihimo og mugna-mugna arun ma-mislead ang imbistigasyon.
Samtang ang usa ka suspek nga gipasakaan usab og susamang kaso human nga gitagoan ang gigamit sa maong krimen.
