Cebu City-Gipangita na karon sa Waterfront Police Station ang suspek nga midunggab sa usa ka studyanteng babaye nga giilang si Charie Mae Mancia kung diin natusak-tusak gyud ang lawas niini sulod sa gi-abangang kwarto niini sa Brgy Tinago ning dakbayan sa Sugbo.
Gikumpirmar ni Police Sr. Inspector Jomar Pomarejos,ang hepe sa Waterfront Police Station nga giwagtang na nila ang anggulo nga ang uyab sa biktima maoy suspek sa krimen gumikan kay duna na silay nakuhang impormasyon nga makatudlo sa tinud-anay nga suspek.
Sa pagkakaron gitumbok sa kapulisan nga ang suspek mao si Emilito Familiar kinsang usa na ka ilado nga kawatan sa ilang lugar. Matud ni Pomarejos nga niadto lang buwan sa Agosto migawas sa prisuhan si Fabillar gumikan gihapon sa maong kaso.
Matud pa nakita mismo sa ubang mga boarders ug sa mga silingan ang suspek nga nanghunaw ug milabay sa kutsilyo ngadto sa kanal duol sa lugar nga nahitaboan.
Sa susamang adlaw nawagtang usab ang usa ka bisiklita sa naasoy nga dapit nga maoy gitoohan nga get away vehicle sa suspect.
Wala man matud pay tuyo ang suspek sa pagpatay sa biktima apan gumikan kay nisukol hinungdan nga nadunggaban ug napatay gayud ang kini.
