Gitugutan na sa Los Angeles Lakers si Luka Doncic nga magdula batok sa Detroit Pistons human ang iyang ika-16 nga technical foul nga miresulta sa usa ka automatic suspension, human sa ilang pagdaog batok sa Orlando Magic sa Florida niadtong Sabado.
Madumduman gisilutan ang Slovenian superstar tungod sa iyang verbal altercation kang Goga Bitadze sa Magic human ang usa ka free throw attempt.
Nasayran ilalom sa NBA rules, ang usa ka player nga duna’y 16 ka mga technical foul sa usa ka season, otomatikong pahamtangan og one-match suspension.
Sigon sa NBA, ang technical fouls nila Doncic ug Bitadze, gibakwi na human ang review sa opisina sa liga.
Tungod niini, mamahimo nang magduwa si Doncic sa pakig-batok sa Lakers sa Pistons kondiin target nila ang ilang ika-10 nga kadaugan.
Mikamada si Doncic og average nga 40 points sa game sa nine-game winning run sa Lakers apil ang 60-point performance sa pagparot sa Miami Heat niadtong Huwebes.
