CEBU CITY – Wala na’y mahimu ang opisina ni Cebu City Mayor Edgardo Labella sa suwat nga gipadangat ni Tomas Osmeña nga naghangyu nga i-restore ang opisina sa mayor sa kondisyon niini niadtung 2016.
Kini ang gitataw ni Atty Rey Gealon, ang Cebu City Attorney.
Matud ni Atty Gealon nga nahimu na ang pagguba sa opisina ug napasaka na ang kaso sa Office of the Ombudsman hinungdan nga dili na nila tugutan ang hangyu ni Osmeña.
Gipasabut sa City Attorney nga dili na kini nila tugutan gumikan kay sila usab ang maigu sa ‘obstruction of justice’.
Samtang, napanglantawan usab ni Atty Gealon nga adunay nakatambag karun ni Osmeña hinungdan nga nahimu niini ang pagpadangat ug suwat paghangyu ngadtu kang Mayor Labella.
Gihimug-atan ni Gealon nga bug-at ang kaso batuk kang Osmeña ug giingung ilaha kining gitutukan.
