CEBU CITY-Gipahibalu ni Senate Blue Ribbon Committee Chairman Senator Richard ‘Dick’ Gordon nga aduna sila’y gikatakda nga ipasar nga balaud kung diin ibalhin ang mga kriminal nga nakahimu ug linu-ug nga krimen gikan sa New Bilibid Prison sa Muntinlupa City.
Matud ni Senator Gordon nga siento porsyento sa napriso sa Bilibid mao ang mga ‘heinous criminals’ hayan giingung mas maayu nga tunga-un kini ug ibutang sa Luzon, Visayas ug Mindanao.
Sigon sa senador nga usbon ang ‘system of penology’ kung diin postihan ug mga bag-ung prison guards kinsang ‘subject’ usab sa paglahugay arun nga malikayan ang ‘familiarization’.
Gidugang pa ni Gordon nga butangan usab ug daghang mga CCTV cameras ang jail facility lakip na ang Office of the Justice Secretary arun nga makita gayud ang kalihukan sa mga ‘convicted criminals’ ingun man sa mga BuCor officials.
Gikasagmuyu sa senador nga sa ilahang imbestigasyon, migawas nga napuno gayud sa korapsyon ang BuCor, butang nga gikinahanglang putlon ug bag-uhon. (SBR)
