Nakatala sa makapakugang nga balor sa kita ang nahitabong usa ka semana nga Tabo sa Kapitolyo 2025 Agri-Fishery Trade Fair isip kabahin sa pagsaulog sa ika-456 Founding Anniversary sa lalawigan sa Sugbo karong buwan sa Agosto 2025.
Ang maong kita nga natala kay mibintaha sa 73.89% nga mas tass kun itandi sa nakalabayng tuig nga kasaulogan sumala pa sa Cebu Provincial Agriculture Office.
Ang Tabo sa Kapitolyo 2025 kay giablihan ni Cebu Provincial Governor Pamela “Pam” Baricuatro kay nakatala sa kinatibuk-an nga kita sa P7.7-milyones diin P2.16-milyones niini kay sa mga private exhibitors samtang ang mga ang mga nisalmot nga mga local government units (LGUs) kay miposte sa P5.5-milyones nga kita.
Ang halin sa baligta sa mga LGUs kay direktang muabot sa mga mag-uuma sa ilang dapit.
Ang dakong pagsaka sa kita kun itandi sa tuig 2024 kay nagpakita sa mabulokong pagdangop sa mga tawo ngadto sa Kapitolyo ubos sa bag-ong administrasyon nga mas mainitong mu-abi-abi sa mga tawo.
Milanat sa pito ka adlaw ang Tabo diin orihinal kini naka-schedule sa Agosto 4-8 apa gi-extend hangtod petsa 10 tungod sa nindot nga tapok sa mga tawo.
Nagpabiling maoy pinakamahinungdanong kalihokan sa Kapitolyo ang Tabo sa pagsaulog sa founding anniversary niini tungod kay kini nagpakita sa mga pinakamaayo ug nindot nga mga produktong agrkultura ug pangisda sa tibuok probinsya.
Tungod, gikahinamhinam karon ni Gov. Baricuatro ang posibilidad nga ipahigayon ang Tabo sa mas makadaghang higayon aron sa makalahutay nga musuporta sa mga mag-uuma, mananagat, og gagmayng tigpatigayon sa lalawigan.
