CEBU PROVINCE – Dili na mudawat ang Anti-NCoV Task Force sa Cebu Province ug mga pasahero nga dili taga lalawigan sa Sugbo nga ipaubos sa 14-day quarantine.
Gipasabot ni Cebu Provincial Governor Gwendolyn Garcia nga kung taga lain nga rehiyon hayan ipadiretso na lang kini sa ilahang area ug dili na ipaubos pa ug kwarantina dinhi sa Sugbo.
Apan kadtong mga taga probinsiya sa Sugbo nga gikan sa mga ‘COVID-19 infected countries’, ang mag-agi sa gihapon sa 14-day quarantine.
Kini ang tubag sa ni Governor Garcia subay na sa kalibog ug reklamo nga nadawat niini gumikan sa gipahigayon nga quarantine sa probinsiya.
Kahinumdoman nga nakaangkon ug pagsaway ang gobernadora sa pamaagi niini sa pag-quarantine sa mga pasahero nga gikan sa ‘COVID-19 infected countries’, ingon man nga napuno kini sa demands sa maong mga pasahero hinungdan nga midako na ang gasto sa Kapitolyo.
Giklaro ni Garcia nga wala na’y taga laing rehiyon ang ipaubos sa quarantine sa probinsiya.
