Gipalapdan pa sa Taiwan ang ilang imbestigasyon sa supply sa mga pager ug walkie-talkie nga gigamit sa mga lider sa Hezbollah nga mibuto sa sunodsunod nga mga pagbuto sa miaging semana.
Unang nalambigit sa maong krimen ang kompanya sa Gold Apollo gikan sa Taiwan nga giingong maoy nag-supply sa mga nasangpit nga gadgets.
Daling miadto ang imbestigador sa Taiwan sa kompanya ug gipangutana ang head niini nga si Hsu Ching-kuang, apan hugot nga gipanghimakak ni Hsu ang akusasyon.
Ingon man nga duha ka mga empleyado sa maong kompanya ang subling gitutukan karon sa mga imbestigador.
Sa pagkakaron, gimandoan sa gobyerno sa Taiwan ang National Security division nga kwestyonon ang mga kasamtangan ug kanhing empleyado sa kompanya ug tan-awon ang tanang anggulo arun makakuha og kalambuan sa kaso.
Kini bisan pa sa naunang pamahayag sa economic minister sa Taiwan nga ang mga pager ug walkie-talkie nga mibuto sa Lebanon wala gihimo sa maong isla.
