-- ADVERTISEMENT --
Patay ang walo ka mga tawo lakip na ang duha ka mga bata sa gilusad nga drone strikes sa Israel nga miigo sa mga sakyanan sa kalsada nga nagdugtong sa Beirut ug habagatan bahin sa Lebanon.
Sumala sa Ministry of Health sa Lebanon, nitala og grabeng danyos ug sunog ang maong pag-atake nga gilaumang magpadayon taliwa sa negosasyon tali sa Lebanon ug Israel sa Washington kansa gisupak sa militanteng grupong Hezbollah.
Gimando usab sa Israeli military sa mga tawo sa unom ka baryo sa habagatan sa Lebanon nga mobiya nunot sa pasidaan nga kung magpabilin sila, peligro ang ilang kinabuhi.
