Nagpasidaan ang usa ka senior nga opisyal sa Iran nga mahimong mopadako sa tensyon ang Tehran sa Strait of Hormuz ug sa ubang lugar, lakip ang posibleng paglunsad og pag-atake militar, kung mapakyas ang Estados Unidos sa hingpit nga pagpatuman sa usa ka interim peace deal sulod sa umaabot nga mga semana.
Sumala sa opisyal nga nakigsulti, kon dili makatuman ang Washington sa gitakdang deadline ug mapakyas ang diplomasya, molunsad ang Tehran og “precise and calculated” military attacks aron mabungkag ang naval blockade sa U.S. batok sa Iran.
Miingon ang Iranian foreign minister nga dili pa ablihan pag-usab ang Strait of Hormuz hangtod nga ang U.S. unang mobalik sa maong kasabutan.
Samtang, ang U.S. Treasury Secretary nagpasidaan sa posibleng mas grabe nga pag-isolate sa ekonomiya sa Iran.
Sumala sa maong opisyal, ang mga tigpataliwala mopahibalo sa Washington ug sa mga nasud sa rehiyon sa deadline nga gitakda sa Tehran.
Giingon usab sa opisyal nga gibalhin sa Iran ang polisiya niini gikan sa depensiba ngadto sa opensa, tungod sa nagkagamay nga pagsalig sa Tehran sa diplomasya sa Washington.
