Nanawagan ang Talisay City Local Disaster Risk Reduction & Management sa mga lumulupyo nga nagpuyo duol sa Mananga River nga dili na mobalik aron dili na mausab ang trahedya sa pagkabanlas, nga maoy nahitabo human sa pag-igo sa Bagyong Tino.
Mao kini ang gipaambit ni Alvin Santillana, ang head sa LDRRMO nga tungod sa kadelikado sa naasoy nga sapa, imbes na mobalik kay mangita nalang og laing kapuy-an gumikan dili nagayud luwas kung motukod pa hilabi na sa climate change.
Dugang pa ni Santillana nga ang gibundak nga uwan sa Bagyong Tino kay 2 ka buwan na nga uwan apan gikausa lang sa usa adlaw, busa wala makasagang ang bisan unsang flood control project sa dakong volume sa bagyo.
Kahinumduman nga daghang mga netizens ang mibasol sa giingong palpak nga mga flood control projects sa Talisay.
Gisalikway usab ni Santillana ug giklaro niya nga walay labot ang Local government sa Talisay sa pagpatuman sa mga flood control projects.
