Gisakmit sa Gulf of Aden ang usa ka tanker nga gi-sanction sa Estados Unidos human unom ka armadong lalaki ang misakay niini ug nagpugos sa barko nga mag-ilis og direksyon padulong sa Somalia, sumala sa mga maritime security agency gahapon, Huwebes.
Ang Seamull tanker, nga nailhan usab nga SIBU 1, nag-isyu og distress call mga 136 nautical miles sa sidlakan sa Al Mukalla, Yemen, sumala sa shipping monitor nga Vanguard.
Gi-sanction sa US ang Seamull niadtong Disyembre sa miaging tuig isip kabahin sa gitawag nga “shadow fleet” sa Iran, nga giakusahan sa pag-eksport sa lana gamit ang malimbongon nga mga pamaagi sa pagpadala.
Ang barko usa sa upat nga gidumala sa UAE-based Qatrat Alnada Almasi Ship Management nga giingong nagdala og mga produktong petrolyo gikan sa Iran, lakip ang naphtha ug gas oil, sa daghang higayon.
Misulbong pag-usab ang mga pag-atake sukad Abril, diin lima ka mga cargo ships ang gikatahong gi-hostage.
