Gisakmit sa mga personahe sa militar sa Iran ang usa ka barko nga gidudahang gigamit isip “floating armoury” o naglutaw nga tipiganan sa armas sa Gulf of Oman, sumala sa usa ka maritime risk management company.
Ang barko nga Honduras-flagged vessel nga Hui Chuan katapusang namatikdan mga 70 kilometros amihanan-sidlakan sa Fujairah sa United Arab Emirates niadtong Miyerkules.
Matud pa sa operator sa Hui Chuan, giingong gigamit barko isip tipiganan sa armas alang sa mga pribadong security company nga nagbantay sa mga barko batok sa hulga sa pirata sa kadagatan.
Bisan pa niini, wala pa makumpirma kung unsang matang sa armas ang anaa sa barko ug kinsa ang naggamit niini.
Una nang gikataho nga kasagarang gigamit ang mga “floating armoury” sa Red Sea, Gulf of Aden, ug Gulf of Oman isip drop-off ug collection points sa mga armas ug bala alang sa maritime security personnel.
