Target sa Comelec nga 3 milyones ka bag-ong mga botante, hapit na makab-ot

Padayon gihapon ang pagpangandam sa Commission on Elections alang sa umaabot nga mid-term elections sa nasud karong Mayo 12, 2025.

Matod sa Comelec, hapit na nila maabot ang ilang target nga 3 milyones ka mga bag-ong botante sa nasod.

Asoy ni Comelec Chairman George Erwin Garcia, nga sa dihang ang uban moadto sa registration sites, dili lang sila mo-apply apan ang uban usab mo-reactivate tungod kay rehistrado sila nga mga botante kaniadto.

Ug kon gani maabot ang target nga bag-ong gidaghanon sa mga botante, mosaka ngadto sa 71 milyones ang gidaghanon sa mga botante nga makabotar sa mid-term elections.