Gibutyag ni Defense Secretary Gilberto Teodoro nga ang tinubdan sa tensiyon sa West Philippine Sea mao ang “ten-dash line” nga ilegal nga giangkon sa China nga ilang teritoryo.
Kini ang gipahibalo ni Secretary Teodoro atol sa Swedish National Day nga selebrasyon ug pagdawat sa Swedish Defense Minister nga si Pål Jonson sa miaging semana.
Sa iyang pamahayag, niingon nga gusto sa China nga hisgutan ang mga gagmayng detalye aron makalimtan ang pinakasentro nga isyu sa ten-dash line nga nagsugod sa provocation.
Dugang pa niini nga wa’y katungod ang China sa pag-angkon sa bisan asang bahin sa West Philippine Sea tungod kay wala silay hurisdiksyon niini.
Gipadayag usab sa Defense Chief nga ang mga asoy gipaubos sa tactical level aron mabalda ang publikong Pilipino ug ang internasyonal nga komunidad gikan sa pagtutok sa ugat nga hinungdan sa tensyon sa WPS.
Gihatagan usab og gibug-aton ni Teodoro nga ang bisan unsang mga kasabotan o panaghisgot kinahanglang abli, nakakonektar
sa internasyonal nga balaod, nagpasiugda sa nasudnong interes sa Pilipinas ug madawat sa mga Pilipino sa maka-angayon ug legal.
