Mitumaw ang sayong tensiyon sa impeachment trial tali sa House Prosecutor nga si Atty. Benjamin Tolosa Jr. ug defense counsel nga si Atty. Sheila Sison.
Gihangyo sa depensa nga tangtangon gikan sa rekord ang pahayag nga “abogadong walang alam” nga gigamit ni Tolosa kalabot kang Michael Poa ug sa iyang papel sa pagtubag sa mga COA audit memoranda.
Sa laing bahin, gitawag ni Sison ang maong pahayag sa prosekusyon nga “rhetoric to provide drama.”
Gitugotan sa impeachment court ang mosyon ug gimando nga tangtangon ang maong pulong gikan sa rekord tungod kay giisip kini nga “discourteous.”
Samtang, aron mapadali ang proceedings, mitanyag si Atty. Michael Poa nga iyang ipasabot ang iyang giingon nga gusto niyang mahibal-an ug ang gipunting ni Atty. Jay Tolosa samtang anaa siya sa tunga-tunga sa direct examination.
Naghisgot ang duha bahin sa kalampusan sa mga proyekto sa Department of Education nga gigamitan og confidential funds.
Gitugotan ni Trial Presiding Officer Chiz Escudero si Poa nga mopasabot sa iyang pahayag.
Sumala ni Poa, walay direktang koneksyon tali sa kalampusan o kapakyasan sa usa ka proyekto ug sa kantidad sa confidential funds nga gigahin niini.
