Andam na nga mopasaka og kaso ang buhatan sa Traffic Enforcement Unit batok sa nagmaniho sa ambulansiya sa Barangay Apas, nga si Kevin Ryan Gesta, 23-anyos nga giingung maoy hinungdan sa grabeng aksidente og nakakalas sa biktima nga si Braille Nichole Kwek, nga nahitabo niadtong Abril 14, 2026, sa Archbishop Reyes Avenue flyover sa Cebu City.
Matud ni Police Lieutenant Colonel Goerge Ylanan, ang Hepe sa Cebu City Police Office nga nakaandam na ang mga pepeles alang sa pagpasaka og kaso batok sa driver sa maong ambulansiya, apan gihuwat pa ang desiyon sa kabanay sa biktima gumikan kay wala pa maabot ang amahan niini gikan sa gawas sa nasud.
Sigon ni Ylanan, nga aduna nay unang napasaka nga kaso batok ni Gesta, nga posibleng atubangon niini nga “Reckless imprudence resulting in serious physical Injury” ug laing kaso nga “Reckless imprudence resulting to damage to property” nga gipasaka sa laing complainant nga si Juan Antonio Ladioray, ang driver sa motorsiklo.
Samtang, ang kaso nga “Reckless imprudence resulting to homicide” gipaabot pa nga ipasaka sa kabanay sa biktima hilabi na sa amahan niini nga maoy mo desider sa kaso.
Nagpadayon pa usab ang imbestigasyon sa mga sakop sa Traffic Enforcement Unit sa maong aksidente.
Nagpaabot usab og pahasubo ang buhatana sa Cebu City Police Office pinaagi Plt. Col. Ylanan, samtang anaa pa sa puder sa TEU detention Center si Kevin Ryan Gesta.
