Nagbutang og mga kondisyon ang Timor-Leste sa wala pa tugoti ang deportasyon sa gipalagpot nga magbabalaod nga si Arnie Teves Jr., sumala ni National Bureau of Investigation (NBI) Director Jaime Santiago.
Apil na niini ang certificate of handover nga nagmando nga tarungon og pagtratar ni Teves ug dili mapriso og kapin sa 40 ka tuig.
Gipasabot sa kadagkoan sa NBI nga ubos sa Article 70 sa Revised Penal Code, ang 3-fold rule diin naglimit kini og kinatibuk-ang panahon nga ang usa ka convict makasilbi sa iyang sentensiya sa prisohan bisan sa daghang kaso.
Diin anaa lang sa 40 ka tuig ang pinakataas nga pagkapriso ang mahimong isilbi sa usa ka konbikto bisan unsa pa ang kabug-at sa sentensiya.
Samtang, laing dugang nga kondisyon kay kinahanglan dili ipailalom sa torture ug madetiner kini sa detention facilities nga nagsunod sa international standard.
Gitumbok usab niini nga kinahanglan dili masilutan og kamatayon si Teves ug kinahanglan mahatagan kini og patas ug public trial sa Konstitusyon sa Pilipinas.
Samtang, gibalhin na sa New Bilibid Prison sa Muntinlupa City si Teves Jr.
Diin matud ni Director Santiago nga ila lang una kining ibutang sa usa ka lawak nga mag-inusara aron maanad sa pagka-detainee.
Iyang gitataw nga dili nila isipon nga VIP ang kanhi magbabalaod ug hugot nga mga protocol ang ipatuman.
