PROVINCE OF CEBU- Nasikop sa Naga City Police ang Top 1 Most Wanted sa Abuyog, Leyte,sa Barangay South Poblacion, niadtong Enero 27, 2026.
Giila ang suspek nga alyas Jerome, walay trabaho ug residente sa Barangay Naalad, Naga City. Nadakpan siya sa Intelligence/DEU/Tracker Team atol sa usa ka buy-bust operation.
Gisilbihan siya og warrant of arrest gikan sa Regional Trial Court, Abuyog, Leyte, tungod sa Illegal Sale ug Illegal Possession of Dangerous Drugs, nga adunay piyansa nga P200,000.00.
Sumala ni PCOL Abubakar Udang Mangeleng Jr., Provincial Director sa Cebu Police, nagpamatuod kini sa walay hunong nga paningkamot sa kapulisan sa pagsubay sa wanted person ug pagpanalipod sa komunidad.
Kabahin kini sa gipakusog nga kampanya sa PNP batok sa illegal drugs ug wanted persons ubos sa direktiba sa PRO7.
