Giimbestigahan sa mga kapulisan sa Canada ang pagpamusil sa US consulate sa Toronto.
Gitawag sa mga awtoridad ang insidente nga usa ka “national security incident.”
Nahitabo ang insidente mga alas 8 sa buntag ug nakit-an sa mga awtoridad ang daghang mga kabhang sa bala.
Nakaangkon usab og kadaot ang building sa pagpamusil, apan walay nasamdan.
Ang pulis sa Toronto nakig-alayon na sa US State Department, nga nagpataas sa seguridad sa lugar.
Si Deputy Chief Frank Barredo sa Toronto Police miingon nga usa ka puti nga Honda CR-V ang miduol sa konsulado sa US, diin duha ka lalaki ang migawas ug nagpabuto sa bilding gamit ang wala mailhing klase sa handgun.
Nangalagiw ang mga suspek human sa pagpamusil.
Nahitabo ang insidente pipila ka adlaw human sa usa ka pagbuto sa gawas sa embahada sa US sa Oslo, Norway.
