MANDAUE CITY – Nabalhin na ang makasaysayanon nga imahe sa Sr. Sto. Niño lakip ang imahe sa Birhen sa Guadalupe sa National Shrine of St. Joseph Parish sa Mandaue City gikan sa Basilica Minore del Sto. Niño de Cebu dungan sa ika-siyam nga adlaw sa nobenaryo niini.
Kini isip pagpangandam na usab sa ipahigayon nga fluvial procession ugmang adlawa.
Nag-atang ang libu-an ka mga deboto sa dalan nga gitaak sa mga imahe kung diin adunay mga mihalad ug Sinulog dance sul-ob ang mga mabulukon nga costume ug ang pipila ang nagbitbit usab sa ilahang mga replika sa imahe sa Sto. Niño ug Our Lady of Guadalupe.
Gisugat nila ni Mandaue City Mayor Jonas Cortes ug Cebu City Mayor Edgardo Labella ang nahisgutang mga Balaang imahe.
Samtang, una ang Traslacion, gipahigayon usab ang Walk With Mary kaganihang kadlawon kung diin gidala ang Our Lady of Guadalupe sa Basilica Minore del Sto. Niño de Cebu ug didto gisugat ang imahe sa Balaang Bata ug ang duha ang gidala paingon sa St. Joseph Parish.
