CENTRAL VISAYAS-Mokabat sa 66 ka mga sundalo ubos sa 302nd Infantry Brigade ug 303rd Infantry Brigade ang nahatagan og award sa ilahang pakigbatok sa CPP-NPA sa Central ug Western Visayas.
Adunay 37 ka mga sundalo diin gilangkuban sa lima (5) ka Opisyal, 31 ka Enlisted Personnel, ug duha (2) ka CAFGU Active Auxiliary ang gihatagan og Gold Cross Medal (GCM) tungod sa ilang ‘gallantry action’ atol sa mga engkwentro batok sa Communist Party of the Philippines-New People’s Army (CPP-NPA).
Samtang 28 ka mga sundalo nga gilangkuban sa siyam (9) ka mga Opisyal ug 19 ka Enlisted Personnel ang nahatagan og Silver Cross Medal (SCM) tungod sa ilang talagsaong kalampusan ug pagkahiusa sa pagpahigayon sa mga ‘special operations’ batok sa mga teroristang grupo.
Ang kalihokan gipanguluhan ni Lieutenant General Benedict M Arevalo PA, ang Commander sa VISCOM maoy nihatag sa mga pasidungog ngadto sa mga tropaatol sa iyang pagbisita sa Headquarters sa mga nahisgutang brigada.
Kahinumdoman nga niadtong Septiyembre 07, ang hiniusang elemento sa 47th Infantry Battalion ug 21st Special Forces Company (Riverine) walay hunong nga migukod ug nakiglambigit sa CPP-NPA sa makahahadlok nga serye sa unom (6) ka engkwentro sa usa ka adlaw sa Sitio Ilaud, Brgy. Campagao sa Bilar, Bohol nga miresulta sa pag-neutralize sa unom (6) ka terorista sa NPA ug pagkarekober sa pito (7) ka high-powered firearms.
