Gipahamtangan sa administrasyon ni US President Donald Trump ang upat ka mga maghuhukom sa International Criminal Court (ICC).
Diin ang mga silot may kalabotan sa warrant of arrest nga giisyu batok sa kaalyado sa US nga Israel, partikular na kang Prime Minister sa Israel nga si Benjamin Netanyahu, ug mga kaso batok sa US.
Nahitabo kini human nakit-an sa korte ang ‘reasonable grounds’ sa criminal responsibility batok ni PM Netanyahu ug kanhi ministro sa depensa sa Israel nga si Yoav Gallant alang sa ilang mga aksyon, lakip ang ‘war crime of starvation’, nga gigamit isip paagi sa gubat sa ilang halapad nga opensiba sa Gaza sa kalit nga pag-atake sa Hamas sa Israel kaniadtong Oktubre 7, 2023.
Lakip sa upat ka mga judges sa ICC nga gipahamtang sa US mao sila si Beti Hohler sa Slovenia ug Reine Alapini-Gansou sa Benin, kinsa miapil sa mga proseso nga miresulta sa pag-isyu sa warrant of arrest niadtong Nobyembre 2024 batok kang Netanyahu.
Si Alipini-Gansou usa usab sa mga magbabalaod nga nagdumala sa kasong crimes against humanity ni kanhi Presidente Duterte sa ICC, nga gihangyo kaniadto sa iyang defense team nga ma-disqualify sa kaso.
Ang laing duha ka mga judge sa ICC nga nag-atubang og mga silot mao sila si Luz del Carmen Ibanez Carranza sa Peru ug Solomy Balungi Bossa sa Uganda, kinsa kabahin sa mga proseso sa korte nga may kalabutan sa imbestigasyon sa mga alegasyon batok sa US nga giingong nakahimo kini og mga krimen atol sa gubat sa Afghanistan.
Hinungdan nga ang mga naaso nga ICC judge kay gidid-an sa pagsulod sa US ug ang bisan unsang mga kabtangan o uban pang interes sa labing dako nga ekonomiya sa kalibutan kay mababagan.
Samtang, sa usa ka pahayag, gipasiugda sa Kalihim sa Estado sa US nga si Marco Rubio nga buhaton sa US ang bisan unsang aksyon nga kinahanglan aron mapanalipdan ang soberanya niini, ingon man ang Israel ug mga kaalyado gikan sa mga iligal nga aksyon sa ICC.
