Mibyahe sa China si US President Donald Trump niadtong Miyerkules, Mayo 13, 2026, aron motambong sa gipaabot nga superpower summit.
Kini ang unang higayon sulod sa halos usa ka dekada nga mobisita ang usa ka Amerikanong Presidente sa maong nasud, human nalangan ang iyang biyahe tungod sa nagpadayon nga gubat sa Iran.
Nagdahom si Trump og taas nga diyalogo uban sa iyang katugbang, si Chinese President Xi Jinping.
Ang miting maghisgot sa krisis sa Iran, nga karon nagsalig sa China isip pangunang kustomer niini alang sa lana bisan pa sa mga silot nga gipahamtang sa Estados Unidos.
Sumala sa report, ang agenda ni Trump ug Xi naglakip usab sa gikatakda nga pagbaligya sa mga armas sa Amerika ngadto sa Taiwan, mga isyu bahin sa pag-angkon sa China nga “self-governing democracy” ug ang kontrol sa China sa mga eksport sa rare earth, ug ang tensyon tali sa relasyon sa pamatigayon sa duha ka nasud.
Ang Presidente giubanan sa iyang delegasyon sa usa ka dako nga grupo sa mga nanguna nga ehekutibo sa negosyo sa US, lakip ang mga iladong tycoon nga sila si Elon Musk ug Tim Cook, base sa impormasyon gikan sa White House.
