Subling nibuhi og mga bug-at nga pasangil si U.S. President Donald Trump batok sa kanhi presidente sa Amerika nga si Barack Obama, nga nagtawag kaniya nga usa ka traydor.
Ang mga pahayag ni Trump nagsunod sa taho ni Director of National Intelligence Tulsi Gabbard, nga nisang-at og criminal referral batok sa administrasyong Obama tungod sa giingong pagmugna og peke nga mga taho sa paniktik aron maglunsad og usa ka tuig nga kudeta batok kang Trump.
Giinsister sa kampo ni Obama nga walay bisan unsa sa mga dokumento nga nagpamatuod nga ang mga boto nausab sa 2016, ug ang pagtapos sa bipartisan Senate Intelligence Committee kaniadtong 2020 nga gipangulohan ni Senador Marco Rubio nga ang Russia giingong misulay sa pag-impluwensya sa eleksyon apan napakyas kini nga magmalampuson.
Gidugang usab sa kampo ni Obama nga dili na angay hatagan pa og pagtagad ang walay basehanan nga mga pasangil sa administrasyon ni Trump, nga matod nila huyang nga taktika aron malikayan ang tinuod nga isyu nga giatubang sa Amerika.
Apan, gihatagan og gibug-aton ni Trump nga si Obama ang “lider sa gang” sa giingong panagkunsabo, ug gihisgutan usab si Joe Biden, James Comey, James Clapper, ug John Brennan.
