Nabalda ang White House Correspondents’ Dinner nga gitambongan ni Donald Trump, First Lady Melania Trump, ug ubang mga opisyal sa Kongreso ug Gabinete human madungog ang kusog nga buto sa pusil sa maong lugar.
Mitago dayon ang ubang mga opisyal ilalom sa mga lamesa human sa insidente.
Dali nga miresponde ang mga ahente sa United States Secret Service ug lokal nga kapulisan, nga dayon nag-secure sa venue ug nagpalayo sa mga nanambong aron masiguro ang ilang kaluwasan.
Sa pagkakaron, wala pa’y kumpirmadong impormasyon kung adunay nasamdan o kung unsa gayud ang eksaktong hinungdan sa insidente, samtang padayon pa ang imbestigasyon sa mga awtoridad.
Gipabakwit usab ang mga nanambong, lakip na ang Presidente ug ang iyang asawa, isip bahin sa mga lakang sa seguridad.
Gikumpirma ni Trump nga ang giingong gunman gidakop dayon sa mga otoridad.
