Moadto sa China si US President Donald Trump karong Miyerkules, Mayo 13, 2026, aron motambong sa gipaabot nga superpower summit.
Kini ang unang higayon sulod sa halos usa ka dekada nga mobisita ang usa ka Amerikanong Presidente sa maong nasud, human nalangan ang iyang biyahe tungod sa nagpadayon nga gubat sa Iran.
Nagdahom si Trump og taas nga diyalogo uban sa iyang katugbang, si Chinese President Xi Jinping.
Ang meeting maghisgot sa krisis sa Iran, nga karon nagsalig sa China isip pangunang kustomer sa lana bisan pa sa mga silot nga gipahamtang sa Estados Unidos.
Sumala sa report, lakip sa agenda ang gikatakdang pagbaligya sa mga armas sa US ngadto sa Taiwan, ang isyu sa pag-angkon sa China nga “self-governing democracy,” ang kontrol sa China sa eksport sa rare earth, ug ang nagkainit nga tensyon sa pamatigayon tali sa duha ka nasod.
Giubanan si Trump sa usa ka delegasyon sa mga nanguna nga US business executives, lakip si Elon Musk ug Tim Cook, base sa impormasyon gikan sa White House.
