Nakigsulti si US President Donald Trump sa lider sa Russia nga si Vladimir Putin pinaagi sa telepono sulod sa hapit 90 ka minuto, diin iyang gitanyag ang tabang alang sa pagpangita og solusyon sa gubat sa Ukraine.
Kini ang gipahayag ni Kremlin aide Yuri Ushakov sa mga komento nga gipagawas sa publiko sayo sa Domingo.
Sumala ni Ushakov, gihimo ni Trump ang maong tanyag atol sa ilang panag-istoryahanay niadtong Sabado, nga natunong usab sa US Independence Day, dungan sa iyang nakatakdang pagtambong sa NATO Summit sa Turkey karong semanaha.
Gihulagway ni Ushakov ang panag-istoryahanay sa duha ka lider nga “pormal ug mabungahon.
Gitumbok usab sa opisyal ang gipahigayon nga mga long-range strike sa Ukraine batok sa mga target sulod sa Russia—nga kasagarang naglambigit sa industriya sa lana—nga maoy hinungdan sa kakulang sa suplay sa gasolina sa daghang rehiyon sa Russia.
