CEBU CITY-Nasikop ang tulo ka indibiwal human nga gibungkag ang Drug Den sa dakbayan sa Sugbo kagahapon adlawa, Enero 10, 2024, mga alas 4:20 sa hapon, diin na ang mga operatiba sa PDEA 7, uban sa CCPO Station 6, nipahigayon og buy-bust operation sa M. Dela Concepcion Street, Barangay Suba, dakbayan sa Sugbo.
Nasikop ang subject sa operasyon ug drug den maintainer nga giilang sila si Rosa R. Atillo, 50-anyos, ug ang iyang live-in partner ug empleyado sa drug den nga si Rezil C. Cabaral, 48-anyos, pulos way trabaho.
Nasikop usab ang usa ka bisita sa drug den nga giilang si Enalyn B. Labrador, 36-anyos, walay trabaho, molupyo sa Barangay Sawang Calero, dakbayan sa Sugbo.
Nasakmit atol sa operasyon ang unom (6) ka pakete nga gituohang shabu nga motimbang og 18 gramos nga gibanabanang mobalor og P122,400, buy-bust money, ug nagkadaiyang drug paraphernalia.
Samtang gisumiter ang mga ebidensya sa drogas alang sa chemical analysis ug tukma nga disposisyon.
Kasong paglapas sa Sections 5, 6, 11, ug 12, Article II sa RA 9165 ang ipasaka batok sa mga suspek tungod kay ang mga drug den usa ka breeding ground sa kapintasan ug kriminalidad ug makaguba sa kalinaw ug kahapsay sa komunidad.Drug Den Gibungkag, 3 Nadakpan sa Cebu City.
