Nawad-an ang tulo ka linya sa transmission sa kuryente ang Samar tungod sa Severe Tropical Storm Opong nga naghapak sa mga bahin sa Kabisay-an ug habagatang Luzon.
Matod sa National Grid Corporation of the Philippines (NGCP), ang Calbayog-Allen 69kV Line nga nagsilbi sa Northern Samar Electric Cooperative, Inc. kay nawala sukad pa sa kadlawn karong adlawa.
Ingon man ang Paranas-Quinapondan 69kV Line nga nagserbisyo sa Eastern Samar Electric Cooperative Inc. wala magamit mga alas 12:51 sa udto; ug ang Calbayog-Bliss 69kV Line nga naghatag og kuryente sa SAMELCO 1 kay natumba tungod kabangis sa bagyo.
Samtang, naapektuhan usab ang usa ka transmission line sa Negros Oriental.
Basi sa taho, ang NGCP nagkanayon nga ang Amlan-Siaton 69kV Line nga nagserbisyo sa Negros Oriental II Electric Cooperative (NORECO II) wala na magamit mga alas 6:35 sa buntag karong adlaw sa Biyernes.
Gipasabot nga ang pagkawala sa kuryente mahimong tungod sa mga apektadong transmission facility sa NGCP o distribution facilities sa local distribution utilities o electric cooperatives.
