CEBU – Gumikan lang sa sayup nga pares sa sapotos, nasikop ang usa ka 18-anyos nga lalakeng kinsang nagpaka aron ingnon matod pa nga pulis sa Sityo Cambuntan, Barangay Bolinawan sa Dakbayan sa Carcar.
Giila ang suspek kinsang anaa karon sa kustodiya sa mga kapulisan nga si Rory Joab Jumawan, ulitawo, taga Mabini St., Parian, Dakbayan sa Sugbo.
Matud pa ni Police Lt. Colonel Allan Rosario, hepe sa Carcar Police Station nga nakakita ang iyang mga sakup samtang nagpatrolya kang Jumawan nga sul-ot niini ang athletic uniform sa Philippine National Police (PNP), apan ang gisul-ob nga pares sa sapatos ang matod pa, “unauthorized.”
Sa ilang pagsita niini, nagpaila ang suspek nga lakip sa Ignatius batch nga gidestino sa Police Regional Office (PRO) 7. Apan usa sa mga pulis ang nagpaila nga sakup usab sa Ignatius batch apan wala kini makaila kang Jumawan ug didto na gipangayoan og ID card.
Sa wala madugay niangkon ang suspek nga dili kini pulis hinungdan nga daling gidala sa police station. Nakuha sa suspek ang duha ka PNP athletic shorts, usa ka PNP athletic shirt, usa ka replica sa 9mm pistol, usa ka PNP face mask ug usa ka PNP tube mask. Mag-atubangan si Jumawan og Kasong usurpation of authority.
