UKRAINE-RUSSIA,WAR-Tulo ka adlaw pagkahuman sa pag-atake nga gilunsad sa mga tropa sa Ukraine sa cross border sa rehiyon sa Kursk kauban ang Russia, ang Presidente sa Ukraine nga si Volodymyr Zelensky nagpasidaan sa Russia nga kinahanglan nga mabati ang sangputanan sa ilang pagsulong sa Kyiv.
Sa pakigpulong sa Presidente sa Ukraine niadtong Huwebes, siya miingon nga ang Russia nagdala og gubat sa ilang yuta ug siya midungag nga sila kinahanglan nga mobati sa ilang gibuhat.
Dugang pa ni Zelensky, nga ang mga taga-Ukraine nahibal-an kung unsaon pagkab-ot ang ilang mga katuyoan ug wala gipili nga makab-ot kini pinaagi sa gubat.
Wala direktang gitumong ni Zelensky ang kasamtangang opensiba sa ilang mga pwersa sa cross border sa Russia.
Una nga gitaho sa Russia, nga anaa sa 1,000 nga mga tropa sa Ukraine lakip ang mga tanke ug armored nga mga sakyanan ang misulod sa cross border niini kaniadtong Martes sa buntag, nga giisip og usa sa labing kadaghan nga pag-atake nga gilunsad sa yuta sa Russia sukad sa pagsugod sa gubat tali nila kaniadtong Pebrero 24, 2022.
Ang Presidente sa Russia nga si Vladimir Putin nag-akusar na sa Ukraine sa dagkong paghagit.
Samtang, sa usa ka pahayag, ang Russian defense ministry nagtaho nga niadtong Biyernes sa buntag ilang gi-intercept ug gilaglag ang 75 unmanned combat aerial vehicle missiles nga gipagawas sa mga rehiyon lakip na ang Kursk.
Ang pahimangno sa mga residente kalabot sa missile strike magpadayon usab tibuok gabii hangtod niadtong Biyernes sa buntag.
Sa usa ka gipagawas nga video call tali ni Putin ug Kursk regional governor Alexei Smirnov, iyang gitaho sa presidente sa Russia nga ang ilang mga residente gipabakwit pinaagi sa bus ug tren sa ubang mga rehiyon sa Russia nga nagtanyag ug kapasilongan kanila, bisan kung ang ilang mga paningkamot sa pagbakwit nalangan tungod sa ang pag-atake sa mga pwersa sa Ukraine.
