CENTRAL VISAYAS-Mahimong dakong hagit karon sa buhatan sa National Irrigation Administration – Central Visayas (NIA-7) ang nagsingabot nga panahon sa ting-init (summer season) sa operasyon niini sa rehiyon sa Sentrong Kabisay-an.
Kini ang gibutyag nila ni Ramir Batumalake (Operation Sub-unit) ug Danilo Bugnos Jr (Planning Sub-unit) sa NIA-7 sa eksklusibong pakighinabi niini sa Bombo Radyo Cebu.
Apan matod pa sa mga opisyal nga sa mga nakalabayng semana kay nakapahigayon na sila og Orientation sa mga mag-uuma sa pipila ka bahin sa rehiyon kalabot sa ilang programang Water Savings Technology nga agig solusyon sa magkanipis nga suplay sa tubig kung anaa sa na panahon sa ting-init.
Dugang pa nga dugay na kini nila nga programa kabahin sa irigasyon sa mga umahan aron mapadaginot og tubig ug mas mapalambo pa ang produkto sa agrikultura.
Agi nalang kini nila og pahimangno pagbalik sa publiko aron makabaton og kaalam ang mga adunay luna pang-agrikultura.
Dugang pagpangandam sa buhatan mao ang adjustment sa cropping calendar aron dili maigo sa panahon sa ting-init ang mga pananom nga dili haom sa maong klima.
Gani diri sa Sugbo kay aktibo ang tanang irrigation systems sa buhatan laki na ang naghi-usang storage facility sa Can-asujan sa dakbayan sa Carcar agig pag-abag sa mga mag-uuma sa ilang mga pananom.
Pahimangno gihapon sa mga awtoridad sa publiko nga dili mag-usik sa paggamit sa tubig aron dili munipis ang suplay sa kinatibuk-ang systema sa lalawigan ug rehiyon.
