CENTRAL VISAYAS-Nagmalinawon ang unang adlaw sa Misa de Gallo sa Cebu City, Disyembre 16, 2023.
Mao kini ang gihulagway sa kapulisan sa Central Visayas human nga wala’y natala nga dagkong insidente.
Matud pa ni Police Lieutenant Colonel Gerard Ace Pelare, ang tigpamaba ni Police Brigadier General Anthony Aberin, ang hepe sa Police Regional Office 7 diin gibutyag niini ang hinungdan sa malinawon gumikan sa ilang gipakatap nga mga presensya sa kapulisan.
Dugang pa ni Pelare nga daghan ang misimba sa mga dagkong simbahan sama sa Basilica Minore del Santo Niño, Cebu Metropolitan Cathedral ug mga kasikbit nga parokya apan bisan pa man niini walay na report nga mga dagkong krimen.
Gani, aduna silay mga nadawat nga mga taho nga mga gagmayng disgrasya sa kadalanan apan malinawon ug hapsay ra ang dagan sa lain-laing probinsya sa probinsya sa Central Visayas.
Mipasalig usab kini ngadto sa publiko nga magpabiling naka-alerto subay sa ilang gipahugtan nga seguridad ug kahapsay alang sa holiday season.
