CEBU CITY-Gipasabot ni Dr. Rene Josef Bullecer ang ka delikado sa abo nga gibugwak sa Taal volcano.
Matud ni Dr. Bullecer nga adunay upat ka kemikal nga nasagol sa abo nga ibugwak sa bulkan ug mao ang carbon dioxide, sulfur dioxide, hydrochloric acid, ug hydroflouric acid.
Sigon sa naasoy nga doctor nga delikado sa panglawas sa tawo kung malanghab.Giingong ang maong mga kemikal ang dili maayo alang sa lawas sa tawo ug gani maka-‘irritate’ sa mata diin makamugna ug piskat.
Gi-asoy ni Dr. Bullecer nga dili makatabang ang ordinaryo nga surgical mask gumikan kay ang maong mga kemikal ang adunay mga ‘particles’ nga dili gayud makita, hayan gisugyot niini ang N95 nga mask.
Subay niini, tambag ni Bullecer nga mas maayong magpabilin sa sulod sa panimalay hangtod nga muhunong na ang pagbugwak ug abo sa bulkan.
Ang maong mga kemikal ang dili magpabilin apan ang mga abo ang mamilit sa dalan, atop ug mga bongbong sa panimalay ingon man sa mga tanom hinungdan nga matud sa doctor nga kung manglimpyo, giingong bas-on una ang palibot una silhigon ang maong mga abo. | SBR
