CEBU CITY-Gipaubos sa imbistigasyon ang upat ka trabahante sa Cebu City Hall nga nalambigit sa pagpamaligya og peke nga mga PWD ID diin ang tulo niini gikan sa opisina sa suspendidong Mayor nga si Mayor Michael Rama ug ang usa nga nadestino sa Department of Social Welfare Services ug karon anaa na sa opisina sa Road Management Authority.
Kung kahinumduman nga una kining gibutyag ni City Councilor James Cuenco sa regular session niadtong miaging adlaw tungdo siya mismo nakurat ug dakong sagpa kini sa Sugbo ilabi na nga naabot na sa kaulohan ang mga ID nga gibaligya sa kantidad nga P4,000.
Gani, human sa privileged speech ni Cuenco, nimando dayon si Acting Mayor Raymond Alvin Garcia sa pagsuspenso sa pag-imprenta sa bag-ong Persons with Disabilities (PWD) identification cards sa Cebu City Hall, samtang nagpaabot sa imbestigasyon.
Gihisgutan usab niya nga gihatagan niya og pito ka adlaw ang departamento sa HR ug ang legal group sa lungsod aron susihon ang mga panudlo ug imbestigahan ang maong butang.
Gikuhaan usab og habig sa Bombo Radyo Cebu Newsteam ang head sa DSWS nga si Porchia Basmayor diin nakurat usab kini ug didto na nasayod sa dihang gibutyag ni konsehal Cuenco sa konseho ang maong anomalya.
