Nipanaw na ang American comedian nga si Reggie McFadden sa edad nga 57-anyos.
Gikumpirma sa iyang igsoong babaye nga si Bernice ang iyang kamatayon samtang didto siya sa Tanzania.
Wala pa gibutyag ang dugang detalye kabahin sa iyang kamatayon, lakip na ang hinungdan niini.
Kapin 18 ka tuig na ang milabay sukad mibalhin si McFadden sa Tanzania human sa usa ka panagbangi sa pamilya.
Natawo ug nagdako si McFadden sa Brooklyn, New York, diin niya gisugdan ang iyang karera isip stand-up comedian.
Nailhan siya pinaagi sa iyang pagpakita sa television comedy program nga “Def Comedy Jam.”
Mibalhin usab siya sa Los Angeles aron ipadayon ang iyang karera sa pag-arte ug mipakita sa pipila ka sikat nga television shows sama sa “Martin,” “Hangin’ with Mr. Cooper,” “Moesha,” ug “Coach.”
Lakip usab sa iyang mga pelikulang giapilan ang “Jacob’s Ladder” ug “Little Nicky.”
