Mihukom ang usa ka US appeals court nga kadaghanan sa mga taripa nga gipahamtang ni Presidente Donald Trump sa ubang mga kanasuran kay ilegal.
Ang hukom nakita nga makaapekto sa mga reciprocal tariffs ni Trump nga gipahamtang sa kadaghanan nga mga nasud sa tibuuk kalibutan ingon man sa ubang mga taripa nga gipahamtang sa China, Mexico ug Canada.
Sa desisyon niini, gisalikway sa US Court of Appeals for Federal Circuit ang argumento ni Trump nga ang mga taripa gitugutan ubos sa Emergency Economic Powers Act ug gitawag kini nga dili balido o walay pulos tungod kay kini supak sa balaod.
Ang 127-panid nga hukom wala maghisgot sa International Emergency Economic Powers Act o adunay mga panalipod nga pamaagi nga adunay tin-aw nga mga limitasyon sa awtoridad ni Trump sa pagpahamtang sa mga taripa.
Busa, kini miingon nga ang gahum sa pagpahamtang og buhis ug taripa padayon nga anaa sa mga kamot sa US Congress ug dili mahimong balihon sa balaod.
Ang desisyon dili mo-epekto hangtod sa Oktubre 14 aron hatagan ang administrasyon ni Trump og panahon sa paghangyo sa Korte Suprema nga husayon ang kaso.
