Mihimo ang US Men’s National Team og kasaysayan pinaagi sa 4-1 nga kadaugan batok sa Team Paraguay sa nagpadayon nga FIFA World Cup 2026.
Kini human gipildi sa Team USA ang Paraguay og 4-1 atubangan sa kapin 70,000 ka mga fans sa football sa Los Angeles Stadium.
Gidominar sa Estados Unidos ang Paraguay sa sayong bahin human nakapuntos og goal sa unang bahin sa duwa. Gisundan kini sa duha ka sunod-sunod nga goal gikan sa striker nga si Folarin Balogun sa wala pa ang break.
Mitubag ang Paraguay sa ikaduhang bahin ug nakapuntos og goal, apan ang striker sa US nga si Gio Reyna sa katapusan nakaselyo sa duwa pinaagi sa laing strike sa stoppage time aron selyuhan ang 4-1 nga kadaugan.
Kini ang pinakadaghang goal nga napuntos sa Estados Unidos sa usa ka duwa sa World Cup sa kasaysayan.
Apan, bisan pa sa makasaysayanong kadaugan, ang US nagpabilin nga underdog sa nagpadayon nga World Cup basi sa prediksyon, ang US Team adunay 1.2% lang nga tsansa nga madala pauli ang World Cup trophy.
