Nag-anunsyo ang mga organizers sa US Open nga moabot sa rekord nga $108 milyon o gibana-banang P7 bilyon ang tibuok nilang premyo alang sa 2026, nga giisip nga pinakadakong cash prize sa kasaysayan sa Grand Slam ug mas mataas og 20% kumpara sa miaging tuig.
Sa maong gipagawas nga pondo, ang magkampiyon sa men’s ug women’s singles makadawat og $5.5 milyon o halos P340 milyon matag usa, nga mas taas og 10% sa miaging tuig.
Samtang ang mga ma-eliminate sa opening round makakuha gihapon og $140,000 o halos P9 milyon, usa ka 27% nga pagsaka, ug dili lang usab kana ra kay ang mga magkampiyon sa men’s, women’s, ug mixed doubles makadawat og tig-$1 milyon o halos P61 milyon matag pares, gawas pa sa nakatagana nga $2 milyon o halos P124 milyon alang sa player welfare fund.
