Gikataho sa US. State Department nga ang Estados Unidos ug Pilipinas magtukod og 4,000-acre o anaa sa 1,620-hectare nga industrial hub.
Kini nagsunod sa pag-apil sa Pilipinas sa Pax Silica, usa ka inisyatibo nga gipangulohan sa Washington aron masiguro ang igo nga Artificial Intelligence (AI) ug semiconductor supply chains.
Sumala sa US, ang inisyatibo usa sa mga importanteng estratehiya sa ekonomiya sa administrasyong Trump aron dili kini magsalig lamang sa mga nasud nga giisip sa US nga mga karibal o kaaway.
Tumong usab niini nga mapalig-on ang kooperasyon sa US sa mga nasud nga giisip niini nga mga kaalyado nga kauban.
Ang Pilipinas ang ika-13 nga nasud nga mipirma sa Pax Silica diin ubos sa programa, ang target mao ang pagpalig-on sa supply chain alang sa mga semiconductor, ug uban pang kritikal nga mineral, samtang gipalapdan ang produksiyon ug manufacturing, ingon man ang data infrastructure.
Ang ubang mga mipirma naglakip sa Australia, Finland, India, Qatar, South Korea ug Singapore.
