UNITED STATES-Masaligon si US National Security Advisor Jake Sullivan nga pipila ka mga kritikal nga mga hilisgutan ang hisgutan sa iyang pakigpulong sa labing taas nga diplomat sa China nga si Wang Yi.
Kahinumduman nga miabot si Sullivan sa Beijing aron makigkita kang Wang ug maghisgot sa pipila ka importanteng mga hisgutanan nga naglibot sa relasyon sa US-China.
Matod ni Sullivan, gusto sa gobyerno sa US nga hisgutan ang pagpalapad sa military-to-military talks tali sa US ug China hangtod sa theater command level.
ingon man nga gituohan niini nga makapugong kini sa mga panagbangi sa pipila ka mga dapit sama sa Taiwan Strait.
Gusto usab sa US Security Advisor nga ipataas ang isyu sa Gaza War nga unang nagsugod kaniadtong Oktubre 2023.
Sa habig ni Wang, iyang gihulagway ang relasyon tali sa US ug China nga ‘critical’.
Ug miingon nga ang gobyerno sa China gusto nga ipataas ug pauswagon ang relasyon tali sa duha ka mga nasud aron kini mahimong ‘stable, himsog’, ug mapadayon ang malungtarong kalamboan.
