CEBU – Naghikog gamit ang service firearm ang usa ka bagitong pulis.
Nitumaw ang maong insidente alas 5:20 sa hapon, November 2, 2022 sa mismong RMFB7 Training Center sa Camp Ceperino Genovia, Brgy.Bahay, Lungsod sa Sibonga,Cebu.
Giila ang biktima nga si Patrolman Edgardo Silva, hingkod ang panuigon , lumad nga taga Tanjay City, Negros Oriental ug kasamtangang nadestino sa nahisgutang training center.
Sa pasiunang imbestigasyon sa mga responding PNP Personnel nga silang PSMS Junrell Bacamante ug Patrolman Emerson Nabua nigawas nga kalit nalang nakadungog ug sipang buto sa armas de fuego ang mga kaubanan niini sa training Center ug dihang ilang gisusi nakit-an nalang ang biktima nga naglunang na sa kaugalingong dugo samtang nakita sa kamot niini ang iyang service firearm.
Matud pa nga sa wala pa naghikog si Silva giingong aduna kiniy katabi sa cellphone nga si a certain Patrolwoman Roque apan wala pa matino kung unsay gipanag-estoryahan sa duruha.
Sa kasamtangan padayon pang gi-imbestigaran ang maong insidente.
