CEBU – Walay duha-duha nga nitabang ang usa ka babayeng pasahero sa dihang sa hilom kay ni-abot kini og tabang pinansyal sa usa ka estudyante nga namoblema sa kwarta samtang nagsakay ang duha og barko.
Paingon na unta sa Leyte gikan sa Cebu ang magtutungha nga si Mark Napallacan sa dihang nahitabo ang usa ka butang nga wala kini nagdahum.
Saysay pa niini nga samtang sa barko palang kay nagka-estorya kini sa iyahang inahan nga anaa nalang sa 100 pesos ang nahabiling kwarta niini, human kay nigawas kini sa passenger area ug nagpahangin.
Pagbalik niini kay nakit-an nalang niini sa iyahang pwesto ang usa ka libo ka pesos nga gitabunan og tissue.
Nailhan ang naghatag nga si Pia Taotao nga katupad ni Mark sa Barko ug matud pa nga nakadungog kini sa problema sa estudyante.
Wala kini’y duha-duha nga nibunot og kwarta sa iyahang pitaka, gitabunan og tissue, ug sa hilom kay gibutang sa pwesto ni Mark.
Nisuway pa si Mark nga i-uli ang kwarta apan igo lang niingon si Pia nga kung makalugar na kini kay ihatag usab ang susamang tabang ngadto na sa mga nanginahanglan.
