CEBU – Padayon nga gipangita ang suspek sa pagpusil patay sa usa ka lapida-maker sa Calamba cemetery dakbayan sa Sugbo.
Sa impormasyon sa Sawang Calero Police Station , giila ang maong suspek nga si alyas “Eddie Boy” kinsa mao ang gitudlong nipusil sa biktima nga nailang si Carl Eric Garces, 30 anyos taga Sitio Mahayahay, Brgy. Calamba dakbayan sa Sugbo.
Segon kang Police Major Eraño Regidor ang hepe sa Sawang Calero Police Station, nga nag-order matod pa ug lapida ang suspek apan sa pagkuha niini nasayran na lang nga wala pa mahimo ang maong order.
Gikasuko matod pa sa suspek ang maong panghitabo diin gikalalis pa niini ang biktima una matod pa nibunot ug armas si Eddie Boy dayon pusil sa biktima sa makadaghang higayon.
Ang mga igo-pinusilan sa biktima ang gitudlong hinungdan sa hinanali niining kamatayon. Nakuha sa crime scene ang ang kabhang sa 45 nga kalibre sa armas.
